Արև երեխաներ
Զանգահարեք մեզ՝ +37491 047704
Նվիրաբերել

Երջանակաբեր սերը Աստծո մեծ ընտանիքից ներս

Քանի որ աշխարհի բոլոր մարդիկ մեկ Երկնավոր Հայր ունեն, ուստի մեկ Երկնավոր Հոր զավակներ են և մի մեծ ընտանիքի անդամներ: Սուրբ Գիրքը, մեծ ընտանիքից ներս եղբայրասիրության մասին հիշեցնելով, ասում է. «Մաքրեցե՛ք դուք ձեզ՝ հնազանդվելով ճշմարտությանը, առանց կեղծավորություն խառնելու եղբայրասիրության մեջ՝ մաքուր սրտով ջերմորեն սիրելով միմյանց» (Ա Պետր. 1:22):

Մայիսի 4-ին Զորավոր Ս. Աստվածածին եկեղեցում հոգևոր հովիվ Տեր Գրիգոր քահանա Գրիգորյանը, Զորավոր Ս. Աստվածածին եկեղեցու և «Արև-երեխաներ» ՀԿ-ի սոցիալական ծրագրերի շրջանակում, Եղիազարյան Մարինեին (47 տ.) հանձնեց դրամական օգնություն (50 000 դրամ): Մարինեն իր ամուսնու, երեք զավակների և սկեսրայրի հետ բնակվում է գ. Ղուկասավան 12 փ. 12 տ. հասցեում: Ընտանիքի կրտսեր զավակը՝ Արամը (15 տ.), Դաունի համախտանիշ ունի: Նա սովորում է Երևանի Դ. Դեմիրճյանի անվան թիվ 27 հիմնական դպրոցի իններորդ դասարանում: Արամը հաճախում է «Արև-երեխաներ» ՀԿ-ի Արևի թատրոն, սիրում է երաժշտություն լսել, համակարգչային խաղեր խաղալ: Մարինեի ամուսինն է միայն աշխատում, և բազմանդամ ընտանիքը դժվարությամբ է կարողանում իր կարիքները հոգալ: Մարինեն իր երախտագիտությունը հայտնեց աջակից անձին:

Պողոս առաքյալը, անդրադառնալով Աստծո մեծ ընտանիքին, նշում է, որ քրիստոնյաները՝ որպես Աստծո ընտանիքի հարազատ անդամներ, մասերն են այն մեծ կառույցի, որի հիմքը առաքյալներն ու մարգարեներն են և որի անկյունաքարն է Ինքը՝ Հիսուս Քրիստոս. «Նրանով է, որ ամբողջ կառույցը ներդաշնակ միասնությամբ աճում ու դառնում է Տիրոջ սեփական սուրբ տաճարը: Նրան միացած՝ դուք բոլորի հետ միասին դառնում եք Աստծո բնակարան՝ Սուրբ Հոգու միջոցով» (Եփես. 2:19-22): Այս կառույցի ներքին կապը և շաղախը հավատն է՝ բարի գործերով արտահայտված: Ուստի Աստծո բնակարան և Սուրբ Հոգու տաճար համարվող քրիստոնյան ջանում է մաքուր պահել իր տաճարը, ամուր՝ իր հավատը՝ միաժամանակ նպաստելով նաև շատերի հոգևոր աճին:

 

Կարինե Սուգիկյան

Թողնել մեկնաբանություն

Ваш e-mail не будет опубликован. Обязательные поля помечены *