Արև երեխաներ
Զանգահարեք մեզ՝ +37491 047704
Նվիրաբերել

«Տուր ժամանակավորը և կստանաս հավիտենականը»

Դեկտեմբերի 24-ին, Զորավոր Ս. Աստվածածին եկեղեցու և «Արև-երեխաներ» երեխաների առողջության և զարգացման կենտրոնի հետ համատեղ սոցիալական ծրագրերի շրջանակում, հոգևոր հովիվ Տեր Գրիգոր քահանա Գրիգորյանը Եղիազարյան Մարինեին (46տ.) հանձնեց դրամական օգնություն (100 ԱՄՆ դոլար), որ տրամադրել էր ամերիկաբնակ Կարեն Վարդանյանը: Վեց հոգուց բաղկացած Հովհաննիսյան ընտանիքը բնակվում է Մասիսի շրջանի Ղուկասավան գյուղի 12 փ. 12 տուն հասցեում: Ընտանիքի երեք զավակներից երկուսն անվճար ուսանում են Երևանի պետական հենակետային բժշկական քոլեջում, իսկ փոքրը՝ Հովհաննիսյան Արամը (13տ.), ով ունի Դաունի համախտանիշ, սովորում է թիվ 27 ներառական դպրոցում: Արամը շատ է սիրում պարել, օգնում է ծնողներին տնային գործերում:

Ընտանիքի մայրը նշեց, որ իրենք ֆինանսական խնդիրներ ունեն. «Ամուսինս աշխատանք չունի, սկեսրայրիս թոշակի, ընտանեկան նպաստի, Արամին հատկացվող հաշմանդամության և հողագործությամբ վաստակած գումարների միջոցով դժվարանում ենք հոգալ մեր կարիքները»: Մարինեն իր երախտագիտությունը հայտնեց աջակից Վարդանյան ընտանիքին և «Արև-երեխաներ» ՀԿ-ին, որի միջոցով Արամն անհրաժեշտ բուժհետազոտություններ է անցնելու:

Եկեղեցու հայրերից մեկն ասում է. «Իմացիր, թե ինչ է կամենում Երկնավոր Հայրն Իր արարածներից՝ տուր ժամանակավորը և կստանաս հավիտենականը, տուր փոքրը և կստանաս հավիտենականը»: Իսկ Ս. Մակար Մեծը հորդորում է. «Թող բարի գործերի կատարման դեմ ոչ ոք չընդդիմանա՝ պատճառաբանելով, իբր անկարող է կատարել հոգին փրկող գործեր, քանզի Աստված չի պատվիրում Իր ծառաներին որևէ անկարելի բան: Այլ ցուցաբերում է այնպիսի լիառատ ու հարուստ սեր և աստվածային բարեգթություն, որ յուրաքանչյուրին հնարավորություն է տալիս իրենց կամքի համեմատ որևէ բարի բան գործելու, և նա, ով ունի փութաջանություն, չի մնում առանց փրկության»:

 

Կարինե Սուգիկյան

Թողնել մեկնաբանություն