Դեկտեմբերի 23-ին «Արմենիա Մարիոտ» հյուրանոցում «Հայաստան-Ճարտարագիտական շաբաթ 2022»-ի հրավերով «Արև-երեխաներ» ՀԿ-ի «Արևային զանգակներ»-ը հանդես եկան համերգային ծրագրով: «Արևային զանգակներ»-ը հանդես եկան ճարտարագիտության ոլորտի հայաստանյան ամենամյա գլխավոր իրադարձության՝ «Հայաստան-Ճարտարագիտական շաբաթ 2022»-ի շրջանակում, որ այս տարի կրում է «Համադրելով Ճարտարագիտությունը, Գիտությունը և Արվեստը» խորագիրը և նպատակ ունի լայն լսարանին ներկայացնել ոլորտի վերջին ձեռքբերումներն ու խթանել ճարտարագիտական համայնքի զարգացումը:
Եռօրյա միջոցառումների շարքի համերգային հատվածում «Արևային զանգակներ»-ի անուշ ղողանջները վայելեցին PMI Science գիտահետազոտական կենտրոնի կողմից կազմակերպված պաշտոնական ընթրիքի մասնակիցները: Արևների ոգևորիչ ելույթը ոգևորել էր մասնակից հյուրերին: «Արևային զանգակներ»-ն իրենց պարզությամբ և անմիջականությամբ տոնական ու լուսավոր տրամադրություն փոխանցեցին ներկաներին:
Կարինե Սուգիկյան
Մեկնաբանությունները անջատված են։