Օգոստոսի 11-ին «Արև-երեխաներ» ՀԿ-ի սաներն ու նրանց ծնողները, Հկ-ի հոգաբարձուների խորհրդի նախագահ Տեր Գրիգոր քահանա Գրիգորյանի և մանկավարժների ուղեկցությամբ, ուխտի մեկնեցին Գոշավանք:
Ուխտագնացությունը կազմակերպել էր «Սօս Արևելքի Քրիստոնյաներ» կազմակերպությունը Տեր Գրիգորի նախաձեռնությամբ:
Ուխտի ճանապարհը մեծ ոգևորություն և ուրախություն պատճառեց արևներին: Հասնելով սրբավայր՝ նրանք Տեր Գրիգորի հետ միասին աղոթեցին, իրենց սրտաբուխ աղոթքը առաքեցին առ Տեր: Արևներն ունկնդրեցին «Տեր ողորմեա» շարականը Տեր Գրիգորի երգեցողությամբ:
Այնուհետև Գոշավանքի հովվության հոգևոր հովիվ Տեր Թադեոս քահանա Թադևոսյանը ուխտավորներին ծանոթացրեց վանքի բազմադարյան պատմությանը:
Ապա երեխաները Իջևանում այցելեցին մանկական սրճարան, ուր սիրո ճաշ և ուրախ ժամանց ունեցան:
Արևները տուն վերադարձան վառ տպավորություններով և անմոռանալի հիշողություններով: Օրհնաբեր օրը ևս մեկ առիթ էր՝ արևներին շրջապատելու սիրով և ուշադրությամբ, նաև ինտեգրելու հանրային և հոգևոր կյանքին:
Կարինե Սուգիկյան
Մեկնաբանությունները անջատված են։