Հուլիսի 11-ին «Արև-երեխաներ» ՀԿ-ի սաները Cityzen մանկական քաղաքի հրավերով ամառային ուրախ և անմոռանալի օր ապրեցին մանկական քաղաքի հրաշալի աշխարհում: Cityzen-ի կրթական և միաժամանակ զվարճանքով լի միջավայրը մեծ հետաքրքրություն էր առաջ բերել նրանց մոտ: Քաղաքի հարմարավետ սրահներն իրենց բազմաբովանդակությամբ գրավել էին արևներին, ամեն մի սրահից ճառագում էր նրանց արևային ժպիտները. նրանք իրենց երազանքների աշխարհում էին: Արևների ուրախ օրը եզրափակվեց հյուրասիրությամբ: Նրանք տուն վերադարձան հրաշալի տպավորություններով:
Մարդու հոգին ծարավ է ոչ միայն լույս ու ջերմություն ստանալու, այլ նաև բաշխելու: Եվ երջանկությունը կրկնապատկվում է, երբ մարդը բաշխում է, այլ ոչ թե ստանում: Եկեղեցու հայրերից Գաբրիել Աթոսացին ասել է. «Մարդը կկորցնի ամեն ինչ, բացի նրանից, ինչ բաշխել է»:
Կարինե Սուգիկյան
Մեկնաբանությունները անջատված են։